ARTEA ETA HIZKUNTZA
Ipuinen eta Artearen bitartez euskara lantzea dugu helburu: orrialde honetan, taldean egindako lanak ikus daitezke.
Beldar gosetia
Beldar gosetiaren gorputza puxika bat erabiliz marraztu dugu. Tenpera kolore desberdinak nahastuz, gorputza eta burua margotu dugu. Tenpera lehortu ostean, begiak, sudurra, ahoa, hankak eta ileak marraztu ditugu. Honatx ikasleen lanak!
Beldar gosetia eskolan zehar ibili da fruitu lehorrak, hostoak eta fruta jaten.
Lehoi bat Parisen
Beatrice Alemagnaren ipuin zoragarri honen collage teknika erabili dugu lehoia eta Eiffel dorrea apaintzeko.
Izen gabeko oineko behatzak
Gaur Jean Leroy-ren ipuin polit hau landu dugu. Bertan, izen bageko oineko behatzen istorioa kontatzen du. Eskuko hatzek izena duten bezalaxe nahiko lukete eurek ere izen polit bat bilatu. Hona hemen ipuina kontatu ostean egin dugun eskulana.